Nahum 2:10-12

Ang Biblia, 2001

¹⁰ Siya'y walang laman, pinabayaan at wasak!
    Ang mga puso ay nanghihina, at ang mga tuhod ay nanginginig,
ang lahat ng mga balakang ay nanginginig,
    ang lahat ng mga mukha ay namumutla!
¹¹ Nasaan ang yungib ng mga leon,
    ang pastulan ng mga batang leon,
na pinagdadalhan ng leon ng kanyang biktima,
    na kinaroroonan ng kanyang mga anak, na doo'y walang umaabala sa kanila?
¹² Ang leon ay lumalapa nang sapat para sa kanyang mga anak,
    at lumalapa ng biktima para sa kanyang mga babaing leon;
pinupuno niya ang kanyang yungib ng biktima
    at ang kanyang mga yungib ng nilapang laman.