Nahum 2:3-5

Magandang Balita Biblia

³ Naghahanda na silang sumalakay,
    pula ang mga kalasag ng mga kawal,
    at pula rin ang kanilang kasuotan.
Nagliliyab na parang apoy ang kanilang mga karwahe!
    Rumaragasa ang kanilang mga kabayong pandigma.^[a]
4 Ang mga karwahe'y humahagibis sa mga lansangan,
    paroo't parito sa mga liwasan;
parang naglalagablab na sulo ang mga ito,
    at gumuguhit na parang kidlat.
⁵ Pagtawag sa mga pinuno'y
    nagkakandarapa sila sa paglapit.
Nagmamadali nilang tinungo ang pader na tanggulan,
    upang ilagay ang pananggalang laban sa mantelet.