Nahum 2:4-6

Magandang Balita Biblia (with Deuterocanon)

⁴ Ang mga karwahe'y humahagibis sa mga lansangan,
    paroo't parito sa mga liwasan;
parang naglalagablab na sulo ang mga ito,
    at gumuguhit na parang kidlat.
⁵ Pagtawag sa mga pinuno'y
    nagkakandarapa sila sa paglapit.
Nagmamadali nilang tinungo ang pader na tanggulan,
    upang ilagay ang pananggalang laban sa mantelet.
⁶ Nabuksan na ang mga pintuan sa ilog,
    at ang mga tao sa palasyo ay nanginginig sa takot.