Nahum 2:7-9

Magandang Balita Biblia

⁷ Ang reyna ay dinalang-bihag,
    kaya't dinadagukan ng mga lingkod ang kanilang dibdib.
    Sila'y nag-iiyakan, gaya ng mga kalapating nananaghoy.
⁸ Tulad ng tubig sa isang lawa na wasak ang pampang,
    ang mga tao'y mabilis na tumatakas mula sa Nineve.
“Huminto kayo!” ang sigaw nila,
    ngunit kahit isa ay wala man lang lumingon.
⁹ Samsamin ang pilak!
    Samsamin ang ginto!
Ang lunsod ay puno ng kayamanan!