Nahum 2:8-10

Magandang Balita Biblia

⁸Tulad ng tubig sa isang lawa na wasak ang pampang,
    ang mga tao'y mabilis na tumatakas mula sa Nineve.
“Huminto kayo!” ang sigaw nila,
    ngunit kahit isa ay wala man lang lumingon.
⁹Samsamin ang pilak!
    Samsamin ang ginto!
Ang lunsod ay puno ng kayamanan!

¹⁰Wasak na ang Nineve!
Iniwan na ng mga tao at ngayo'y mapanglaw na.
    Ang mga tao'y nasisindak,
    nanginginig ang mga tuhod;
    wala nang lakas, at putlang-putla sa takot.