Nehemias 6:2-4

Magandang Balita Biblia (with Deuterocanon)

² Inanyayahan ako nina Sanbalat at Gesem na makipag-usap sa kanila sa isang nayon sa Kapatagan ng Ono. Alam kong may masama silang balak sa akin. ³ Kaya't nagpadala ako ng mga sugo para sabihin sa kanila, “Mahalaga ang aking ginagawa rito kaya hindi ako makakapunta riyan. Hindi ko maaaring ipatigil ang trabaho rito para makipagkita lamang sa inyo.” ⁴ Apat na beses nila akong inanyayahan at apat na beses ko rin silang tinanggihan.