Nehemias 11:21-23

Ang Salita ng Dios (Tagalog Contemporary Bible)

²¹ Ngunit ang mga utusan sa templo na pinangungunahan nina Ziha at Gishpa ay doon tumira sa bulubundukin ng Ofel.

²² Ang pinakapinuno ng mga Levita sa Jerusalem ay si Uzi na anak ni Bani (si Bani ay anak ni Hashabia; si Hashabia ay anak ni Matania; at si Matania ay anak ni Mica). Si Uzi ay isa sa mga angkan ni Asaf, na mang-aawit sa templo ng Dios. ²³ Ang hari ang nag-uutos sa kanila tungkol sa mga gagawin nila sa bawat araw.