Nehemias 13:7-9

Magandang Balita Biblia

⁷ Hindi nagtagal at ako'y pinahintulutan niyang makabalik sa Jerusalem. Noon ko natuklasang binigyan pala ni Eliasib si Tobias ng silid sa loob ng Templo. ⁸ Labis ko itong ikinagalit at itinapon ko sa labas ang lahat ng kagamitan ni Tobias. ⁹ Pagkatapos, iniutos kong linisin ang silid at ibalik doon ang mga kagamitan sa Templo pati ang handog na pagkaing butil at insenso.