Nehemias 8:16-18

Ang Biblia (1978)

¹⁶ Sa gayo'y lumabas ang bayan, at nangagdala sila, at nagsigawa ng mga balag, bawa't isa'y sa ^(A)bubungan ng kaniyang bahay, at sa kanilang mga looban, at sa mga looban ng bahay ng Dios, at sa ^(B)luwal na dako ng pintuang-bayan ng tubig, ^(C)at sa luwal na dako ng pintuang-bayan ng Ephraim.

¹⁷ At ang buong kapisanan nila na bumalik na mula sa pagkabihag ay gumawa ng mga balag, at tumahan sa mga balag: sapagka't mula ng mga araw ni Josue na anak ni Nun hanggang sa araw na yaon ay ^(D)hindi nagsigawa ang mga anak ni Israel ng gayon. At nagkaroon ng totoong malaking kasayahan.

¹⁸ Gayon din naman araw-araw, mula sa unang araw hanggang sa huling araw, kaniyang binasa ang ^(E)aklat ng kautusan ng Dios. At kanilang ipinagdiwang ang kapistahan na pitong araw; at sa ikawalong araw ay takdang kapulungan, ayon sa ayos.