Nehemias 9:10-12

Magandang Balita Biblia

¹⁰ Gumawa^(A) ka ng mga himala at mga bagay na kamangha-mangha laban sa Faraon,
    laban sa kanyang mga lingkod at sa mga mamamayan ng kanyang lupain,
    sapagkat alam mong pinagmalupitan nila ang aming mga ninuno.
Ang pangalan mo'y tanyag magpahanggang ngayon.
¹¹ Sa^(B) kanilang harapa'y hinati mo ang dagat,
    at sa gitna nito'y dumaan sila sa tuyong lupa.
Ang mga humabol sa kanila'y nilunod mong lahat,
    parang mga batong lumubog sa nagngangalit na dagat.
¹² Pinatnubayan^(C) mo sila ng haliging ulap kung araw,
    at haliging apoy kung gabi, upang matanglawan ang kanilang paglalakbay.