Nehemias 9:19-21

Magandang Balita Biblia (with Deuterocanon)

¹⁹ Ngunit^(A) hindi mo pa rin sila pinabayaan sa ilang,
    sapagkat walang kapantay ang iyong kahabagan.
Hindi mo inalis ang haliging ulap
    na patnubay nila sa paglalakbay sa araw
    at ang haliging apoy na tumatanglaw sa kanila pagsapit ng dilim.
²⁰ Pinatnubayan mo sila ng iyong Espiritu, upang turuan sila ng dapat nilang gawin.
    Patuloy mo silang pinakain ng manna, at binigyan ng tubig na pamatid uhaw.
²¹ Apatnapung taon mo silang kinalinga sa ilang,
    kaya't sa anuman ay hindi sila nagkulang.
    Hindi nasira ang kanilang mga kasuotan,
    ni namaga man ang kanilang mga paa sa paglalakad.