Obadias 13-15

Ang Biblia (1978)

¹³ Huwag kang pumasok sa pintuan ng aking bayan sa kaarawan ng kanilang kasakunaan; oo, huwag mong masdan ang kanilang pagdadalamhati sa kaarawan ng kanilang kasakunaan, o pakialaman man ninyo ang kanilang kayamanan sa kaarawan ng kanilang kasakunaan.

¹⁴ At huwag kang tumayo sa mga salubungang daan na ihiwalay ang kaniya na tumatanan; at huwag mong ibigay ang kaniya na nalabi sa kaarawan ng kapanglawan.

^15 (A)Sapagka't ang kaarawan ng Panginoon ay malapit na, laban sa lahat ng bansa: ^(B)kung ano ang iyong gawin, ay siyang gagawin sa iyo; ^(C)ang iyong gawa ay babalik sa iyong sariling ulo.