Obadias 16-18

Ang Biblia, 2001

¹⁶ Sapagkat kung paanong kayo'y uminom sa aking banal na bundok,
    gayon iinom ang lahat ng mga bansa sa palibot,
sila'y iinom, at magpapasuray-suray,
    at magiging wari bang sila'y hindi nabuhay.

¹⁷ Ngunit sa bundok ng Zion ay doroon ang mga nakatakas,
    at ito ay magiging banal;
at aangkinin ng sambahayan ni Jacob ang kanilang sariling ari-arian.
¹⁸ At ang sambahayan ni Jacob ay magiging isang apoy,
    ang sambahayan ni Jose ay isang liyab,
    ang sambahayan ni Esau ay dayami,
at sila'y kanilang susunugin, at sila'y tutupukin;
    at walang malalabi sa sambahayan ni Esau; sapagkat sinabi ng Panginoon.