Obadias 19-21

Magandang Balita Biblia (with Deuterocanon)

¹⁹ “Sasakupin ng mga taga-Negeb ang Bundok ng Edom.
    Sasakupin ng mga nasa kapatagan ang lupain ng mga Filisteo.
Makukuha nila ang lupain ng Efraim at Samaria.
    Ang Gilead nama'y sasakupin ng lahi ni Benjamin.
²⁰ Magbabalik ang hukbong binubuo ng mga dinalang-bihag, sila na nagmula sa hilagang Israel.
    Sila ang sasakop sa lupain ng Fenicia hanggang sa Zarefat doon sa hilaga.
Ang mga taga-Jerusalem na itinapon sa Sardis^[a]
    ang siya namang sasakop sa mga lunsod sa timog ng Juda.
²¹ Ang matagumpay na hukbo ng Jerusalem,
    sasalakay sa Edom at doo'y mamamahala.
Si Yahweh mismo ang doo'y maghahari.”