Pahayag 14:15-17

Ang Dating Biblia (1905)

¹⁵ At lumabas ang ibang anghel sa templo, na sumisigaw ng malakas na tinig doon sa nakaupo sa alapaap, Ihulog mo ang iyong panggapas, at gumapas ka; sapagka't dumating ang oras ng paggapas, sapagka't ang aanihin sa lupa ay hinog na.

¹⁶ At inihagis ng nakaupo sa alapaap ang kaniyang panggapas sa lupa; at ang lupa ay nagapasan.

¹⁷ At lumabas ang ibang anghel sa templong nasa langit, na may panggapas din namang matalas.