Pahayag 14:17-19

Ang Bagong Tipan: Filipino Standard Version

¹⁷ Isa pang anghel ang lumabas mula sa templo sa langit, may dala ring matalas na karit. ¹⁸ Pagkatapos ay isa pang anghel ang lumabas mula sa dambana, ang anghel na may kapangyarihan sa apoy. Nagsalita siya nang malakas sa anghel na may matalas na karit, “Gamitin mo ang iyong karit at anihin ang mga kumpol ng ubas sa lupa, sapagkat hinog na ang mga ito.” ¹⁹ Kaya iwinasiwas ng anghel ang kanyang karit sa lupa, tinipon ang mga aning ubas at inihagis ang mga ito sa malaking pisaan ng ubas na siyang poot ng Diyos.