Pahayag 2:2-4

Magandang Balita Biblia

² Alam ko ang mga ginagawa mo, ang iyong mga pagpapagal at matiyagang pagtitiis. Alam kong hindi mo kinukunsinti ang masasamang tao. Sinubok mo ang mga nagsasabing sila'y apostol, at napatunayan mong sila'y huwad. ³ Alam ko ring matiyaga ka, nagtiis ng maraming hirap alang-alang sa akin at hindi ka sumuko. ⁴ Subalit may isang bagay na ayaw ko sa iyo: iniwan mo na ang pag-ibig mo noong una.