Pahayag 22:19-21

Ang Salita ng Dios (Tagalog Contemporary Bible)

¹⁹ At ang sinumang magbawas sa mga nilalaman ng aklat na ito ay aalisan ng Dios ng karapatang kumain sa bunga ng punongkahoy na nagbibigay-buhay. At mawawalan din siya ng karapatang makapasok sa Banal na Lungsod na nabanggit sa aklat na ito.

²⁰ Si Jesus ang nagpapatunay sa lahat ng nakasulat dito. At sinabi pa niya, “Talagang malapit na akong dumating!” Sinabi ko naman, “Sana nga po!^[a] Pumarito na po kayo, Panginoong Jesus.”

²¹ Pagpalain kayong lahat ng Panginoong Jesus.