Panaghoy 1:13-15

Magandang Balita Biblia (with Deuterocanon)

¹³ “Nagpababa siya ng apoy mula sa itaas; nanuot ito sa aking mga buto;
    sa nilagay na bitag, doon ako'y nahulog,
    isang matinding hirap sa aki'y pinalasap.

¹⁴ “Inipon niya ang lahat kong pagkakasala at ito'y ipinapasan sa akin;
    dahil sa bigat nito'y unti-unting nauubos ang aking lakas.
    Ako'y ibinigay ni Yahweh sa aking mga kalaban at aking sarili'y hindi ko man lang matulungan.

¹⁵ “Tinawanan lang ni Yahweh ang magigiting kong kawal.
    Nagpadala siya ng isang hukbo upang lipulin ang mga kabataang lalaki.
    Dinurog niya ang buong bayan, parang ubas sa pisaan.