Panaghoy 2:20-22

Magandang Balita Biblia (with Deuterocanon)

²⁰ Yahweh, tingnan mo kung sino ang iyong pinaparusahan.
    Matuwid bang kainin ng mga babae ang kanilang supling, na sa kanila rin naman nanggaling?
    O dapat bang patayin sa templo ang pari at ang propeta?

²¹ Naghambalang sa mga lansangan ang patay, bata't matanda, dalaga't binata.
Nilipol mo sila nang araw na ikaw ay magalit; walang awa mo silang pinatay.

²² Aking mga kalaban iyong inanyayahan; tuwang-tuwa sila na para bang nasa pistahan.
    Kaya ang mga anak kong inaruga sa mga kaaway ko'y pinapuksa,
    dahil sa araw na iyon galit mo'y matindi.