Panaghoy 4:7-9

Magandang Balita Biblia (with Deuterocanon)

⁷ Dati, ang aming mga pinuno^[a] ay matuwid at sindalisay ng yelo;
    sila'y matipuno, malakas at malusog.

⁸ Ngayo'y mukha nila'y sing-itim ng alkitran, kanilang mga bangkay sa Jerusalem ay naghambalang.
    Nangulubot na ang kanilang balat, parang kahoy na natuyo ang kanilang mga buto.

⁹ Mabuting di hamak ang masawi ka sa digmaan kaysa naman sa gutom ikaw ay mamatay;
    at dahil walang makain, labis kang nanghina.