Mga Kawikaan 26:23-28

Magandang Balita Biblia (with Deuterocanon)

²³ Ang matamis ngunit pakunwaring salita ay parang pintura ng mumurahing banga.

²⁴ Ang tunay na damdamin ng mapagkunwari ay maitatago sa salitang mainam. ²⁵ Matamis pakinggan ngunit huwag paniwalaan sapagkat iyon ay bunga ng kanyang pagkasuklam. ²⁶ Maaaring ang galit niya'y maitago sa magandang paraan ngunit nalalantad din sa mata ng lahat.

²⁷ Ang^(A) nag-uumang ng bitag ay siya ring mahuhuli roon. Ang nagpapagulong ng bato ang siyang tatamaan niyon.

²⁸ Ang taong sinungaling ay galit sa kapwa. Ang madayang salita ay nagpapahamak sa iba.