Mga Kawikaan 9:1-5

Ang Biblia, 2001

9 Itinayo ng karunungan ang kanyang bahay,
    ang kanyang pitong haligi ay kanyang inilagay.^[a]
2 Mga hayop niya ay kanyang kinatay, ang kanyang alak ay kanyang hinaluan,
    kanya ring inihanda ang kanyang hapag-kainan.
³ Sinugo niya ang kanyang mga alilang babae upang manawagan,
    mula sa pinakamatataas na dako sa bayan,
⁴ “Sinumang walang muwang, pumasok dito!”
    Sa kanya na mahina sa pag-unawa, ay sinasabi niya,
⁵ “Halikayo, kumain kayo ng aking tinapay,
    at uminom kayo ng alak na aking hinaluan.