Mga Kawikaan 3:21-26

Magandang Balita Biblia

²¹ Aking anak, karunungan at hinahon ay huwag mong iwawala,
    huwag babayaang makaalpas sa isipan at gunita.
²² Pagkat dulot nito'y masagana at marangal na pamumuhay.
²³ At kung magkagayo'y lalakad kang matiwasay,
    sa landas mo'y hindi ka matatalisod.
²⁴ Sa lahat ng iyong lakad wala kang aalalahanin,
    at lahat ng pagtulog mo ay masarap at mahimbing.
²⁵ Kahit hampas nitong bagyo ay dumating nang biglaan,
    hindi ka mababagabag tulad ng mga mangmang.
²⁶ Pagkat tiwala kang si Yahweh ang kaagapay mo,
    at di niya hahayaang sa bitag ika'y masilo.