Psalm 103:8-14

Maori Bible

⁸ Ki tonu a Ihowa i te aroha me te atawhai, he puhoi ki te riri, he nui hoki tana mahi tohu.

⁹ E kore ia e whakatupuehupehu tonu, e kore ano e mauahara ake ake.

¹⁰ Kihai i rite ki o tatou hara ana meatanga ki a tatou: kihai ano i rite ki o tatou kino ana utu mai ki a tatou.

¹¹ He rite hoki ki te rangi e tiketike ake ana i te whenua, pera tonu te nui o tana mahi tohu ki te hunga e wehi ana ki a ia.

¹² Pera i te matara o te rawhiti i te uru, pera tonu tana whakamataratanga atu i a tatou mahi tutu i a tatou.

¹³ E aroha ana te matua ki ana tamariki, pera tonu to Ihowa aroha ki te hunga e wehi ana ki a ia.

¹⁴ E matau ana hoki ia ki to tatou ahua, e mahara ana he puehu tatou.