Salmo 2:2-5

Ang Salita ng Dios (Tagalog Contemporary Bible)

² Ang mga hari at mga pinuno sa mundo ay nagsama-sama,
    at nagsipaghanda sa pakikipaglaban sa Panginoon,
    at sa hari na kanyang hinirang.
³ Sinabi nila,
    “Huwag tayong pasakop o sumunod man sa kanilang pamamahala!”
⁴ Ngunit siyang nakaupo sa kanyang trono sa langit ay natatawa lang, at kumukutya sa kanila.
⁵ Sa galit ng Dios, silaʼy binigyang babala,
    at sa tindi ng kanyang poot silaʼy natatakot.