Salmo 56:10-13

Ang Pulong Sa Dios

¹⁰ Ginoong Dios,
dayegon ko ikaw tungod sa imong saad.
¹¹ Dili ako mahadlok kay nagasalig ako kanimo.
Walay mahimo ang tawo batok kanako.
¹² Tumanon ko, O Dios, ang akong saad kanimo.
Ihalad ko ang akong halad sa pagpasalamat kanimo.
¹³ Kay giluwas mo ako gikan sa kamatayon,
ug wala mo itugot nga mapildi ako.
Busa magkinabuhi ako diha kanimo, O Dios,
diha sa imong kahayag nga nagahatag ug kinabuhi.