Apocalipsis 14:15-19

Ang Biblia (1978)

¹⁵ At lumabas ang ibang anghel ^(A)sa templo, na sumisigaw ng malakas na tinig doon sa nakaupo sa alapaap, ^(B)Ihulog mo ang iyong panggapas, at gumapas ka; sapagka't dumating ang oras ng paggapas, sapagka't ang aanihin sa lupa ay hinog na.

¹⁶ At inihagis ng nakaupo sa alapaap ang kaniyang panggapas sa lupa; at ang lupa ay nagapasan.

¹⁷ At lumabas ang ibang anghel ^(C)sa templong nasa langit, na may panggapas din namang matalas.

¹⁸ At ang ibang anghel ay lumabas ^(D)sa dambana, na siyang may kapangyarihan sa apoy, at tinawagan ng malakas na tinig yaong may panggapas na matalas, na sinasabi, ^(E)Ihulog mo ang iyong panggapas na matalas, at putihin mo ang mga buwig sa ubasan sa lupa; sapagka't ang kaniyang mga ubas ay mga hinog na.

¹⁹ At inihagis ng anghel ang kaniyang panggapas sa lupa, at pinuti ang mga ubas sa lupa, at inihagis sa ^(F)pisaan ng ubas, sa malaking pisaan ng kagalitan ng Dios.