Roma 10:9-11

Ang Bagong Tipan: Filipino Standard Version

⁹ Sapagkat kung ipahahayag mo sa pamamagitan ng iyong bibig na si Jesus ay Panginoon, at sasampalataya ka nang buong puso na binuhay siyang muli ng Diyos mula sa kamatayan ay maliligtas ka. ¹⁰ Sapagkat sumasampalataya ang tao sa pamamagitan ng puso tungo sa pagiging matuwid at nagpapahayag sa pamamagitan ng bibig tungo sa kaligtasan. ¹¹ Sinasabi ^(A) ng kasulatan, “Ang sinumang sumasampalataya sa kanya ay hindi mapapahiya.”