Roma 15:15-17

Ang Bagong Tipan: Filipino Standard Version

¹⁵ Gayunman, sa ibang bahagi ng sulat na ito'y buong loob akong nagpapaalala sa inyo tungkol sa ibang bagay. Ginawa ko ito dahil sa biyayang ibinigay sa akin ng Diyos ¹⁶ upang maging lingkod ni Cristo Jesus sa mga Hentil. Isang banal na gawain ang aking pangangaral ng ebanghelyo, upang ang mga Hentil ay maging kalugud-lugod na handog sa Diyos, yamang sila ay ginawang banal ng Banal na Espiritu. ¹⁷ Dahil kay Cristo Jesus, ipinagmamalaki ko ang paglilingkod ko sa Diyos.