Roma 15:27-29

Magandang Balita Biblia (with Deuterocanon)

²⁷ Malugod^(A) nilang ginawa iyon, at talaga namang dapat nilang gawin. Dahil ang mga Hentil ay nakabahagi sa mga pagpapalang espirituwal ng mga Judio, marapat lamang na bahaginan nila ang mga Judio sa pamamagitan ng mga pagpapalang materyal. ²⁸ Kaya't pagkabigay ko ng nasabing tulong sa mga kapatid sa Jerusalem, daraan ako riyan pagpunta ko sa Espanya. ²⁹ Naniniwala akong pagpunta ko riyan ay taglay ko ang masaganang pagpapala ni Cristo.