Roma 2:5-7

Magandang Balita Biblia

⁵ Ngunit dahil matigas ang iyong ulo at ayaw mong magsisi, lalo mong pinapabigat ang parusang igagawad sa iyo sa Araw na iyon, kung kailan ihahayag ang poot at makatarungang paghatol ng Diyos. ⁶ Sapagkat^(A) igagawad niya sa lahat ng tao ang naaayon sa kanilang mga ginawa. ⁷ Buhay na walang hanggan ang ibibigay niya sa mga taong nagpapatuloy sa paggawa ng mabuti, at naghahangad ng karangalan, kadakilaan at kawalang kamatayan.