Roma 8:12-14

Ang Salita ng Dios (Tagalog Contemporary Bible)

¹² Kaya nga mga kapatid, hindi tayo dapat mamuhay ayon sa ating makasalanang pagkatao. ¹³ Sapagkat mamamatay kayo kapag namuhay kayo ayon sa inyong makasalanang pagkatao. Pero mabubuhay kayo kung susupilin ninyo ang inyong makasalanang pagkatao sa pamamagitan ng Banal na Espiritu. ¹⁴ Ang mga taong pinapatnubayan ng Espiritu ng Dios ay mga anak ng Dios.