Ruth 2:16-18

Magandang Balita Biblia (with Deuterocanon)

¹⁶ Maglaglag kayo ng mga uhay mula sa binigkis para may mapulot siya.”

¹⁷ Si Ruth ay namulot hanggang gabi, at pagkatapos ay giniik niya ang kanyang napulot. Halos limang salop na sebada ang nakuha niya. ¹⁸ Umuwi si Ruth at ipinakita sa kanyang biyenan ang naipong sebada, at ibinigay pa niya sa matanda ang lumabis niyang pagkain.