Ruth 2:17-19

Ang Salita ng Dios (Tagalog Contemporary Bible)

¹⁷ Kaya namulot si Ruth ng mga nalaglag na uhay hanggang sa lumubog ang araw. At nang magiik na niya ang naipon niyang sebada^[a] ay umabot ito ng mga kalahating sako. ¹⁸ Dinala niya ito pauwi sa bayan at ipinakita sa kanyang biyenan^[b] na si Naomi. Pagkatapos kinuha niya ang natira niyang pagkain at ibinigay kay Naomi. ¹⁹ Nagtanong si Naomi sa kanya, “Saan ka namulot ng mga nalaglag na uhay kanina? Kaninong bukirin? Pagpalain nawa ang taong nagmagandang-loob sa iyo!”

Ikinuwento ni Ruth kay Naomi na doon siya namulot sa bukid ng taong ang pangalan ay Boaz.