Ruth 3:5-7

Ang Salita ng Dios (Tagalog Contemporary Bible)

⁵ Sumagot si Ruth, “Gagawin ko po ang lahat ng sinabi ninyo.” ⁶ Kaya pumunta siya sa giikan para gawin ang lahat ng sinabi sa kanya ng biyenan niya.

⁷ Nang matapos kumain at uminom si Boaz, gumanda ang pakiramdam niya. Nahiga siya sa tabi ng bunton ng sebada para matulog. Dahan-dahang lumapit si Ruth at iniangat ang kumot sa paanan niya at nahiga roon.