Salmo 106:4-6

Ang Salita ng Dios (Tagalog Contemporary Bible)

⁴ Panginoon, alalahanin nʼyo ako kapag tinulungan nʼyo na ang inyong mga mamamayan;
    iligtas nʼyo rin ako kapag iniligtas nʼyo na sila,
⁵ upang akoʼy maging bahagi rin ng kaunlaran ng inyong bansang hinirang,
    at makadama rin ng kanilang kagalakan,
    at maging kasama nila sa pagpupuri sa inyo.
⁶ Kami ay nagkasala sa inyo katulad ng aming mga ninuno;
    masama ang aming ginawa.