Salmo 112:4-6

Ang Salita ng Dios (Tagalog Contemporary Bible)

⁴ Kahit sa kadiliman, taglay pa rin ang liwanag ng taong namumuhay nang matuwid,
    at puno ng kabutihan, kahabagan at katuwiran.
⁵ Pagpapalain ang taong mapagbigay at nagpapahiram,
    at hindi nandaraya sa kanyang hanapbuhay.
⁶ Tiyak na magiging matatag ang kanyang kalagayan
    at hindi siya makakalimutan magpakailanman.