Salmo 119:114-116

Ang Salita ng Dios (Tagalog Contemporary Bible)

¹¹⁴ Kayo ang aking kanlungan at pananggalang;
    akoʼy umaasa sa inyong mga salita.
¹¹⁵ Lumayo kayo sa akin, kayong mga gumagawa ng masama,
    upang masunod ko ang mga utos ng aking Dios.
¹¹⁶ Panginoon, bigyan nʼyo ako ng kalakasan ayon sa inyong pangako
    upang ako ay patuloy na mabuhay;
    at huwag nʼyong hayaan na mabigo ako sa pag-asa ko sa inyo.