Salmo 22:14-16

Ang Salita ng Dios (Tagalog Contemporary Bible)

¹⁴ Nawalan ako ng lakas na parang tubig na ibinubuhos,
    at ang aking mga buto ay parang nalinsad^[a] lahat.
    At nawalan ako ng lakas ng loob, para akong nauupos na kandila.
¹⁵ Ang aking kalakasan ay natuyo na parang tigang na lupa,
    at ang aking dila ay dumidikit sa aking ngala-ngala.
    O Panginoon, pinabayaan nʼyo ako sa lupa na parang isang patay.
¹⁶ Pinaligiran ako ng mga taong masama na parang mga aso.
    At binutasan nila ang aking mga kamay at mga paa.