Salmo 36:5-7

Ang Salita ng Dios (Tagalog Contemporary Bible)

⁵ Panginoon, ang inyong pag-ibig at katapatan
    ay umaabot hanggang sa kalangitan.
⁶ Ang inyong katuwiran ay kasintatag ng kabundukan.
    Ang inyong paraan ng paghatol ay sinlalim ng karagatan.
    Ang mga tao o hayop man ay inyong iniingatan, O Panginoon.
⁷ Napakahalaga ng pag-ibig nʼyong walang hanggan, O Dios!
    Nakakahanap ang tao ng pagkalinga sa inyo,
    tulad ng pagkalinga ng inahing manok
    sa kanyang mga inakay sa ilalim ng kanyang pakpak.