Salmo 57:4-6

Ang Salita ng Dios (Tagalog Contemporary Bible)

⁴ Napapaligiran ako ng mga kaaway,
    parang mga leong handang lumapa ng tao.
    Ang mga ngipin nilaʼy parang sibat at pana,
    mga dilaʼy kasintalim ng espada.
⁵ O Dios, ipakita nʼyo ang inyong kapangyarihan sa kalangitan at sa buong mundo.
⁶ Nabagabag ako dahil naglagay ng bitag ang aking mga kaaway.
    Naghukay rin sila sa aking dadaanan, ngunit sila rin ang nahulog dito.