Salmo 59:3-5

Ang Salita ng Dios (Tagalog Contemporary Bible)

³ Panginoon, tingnan nʼyo!
    Inaabangan nila ako para patayin,
    kahit na wala akong nagawang kasalanan sa kanila.
^4-5 Wala akong nagawang kasalanan,
    ngunit handa silang salakayin ako.
    Sige na po, Panginoong Dios na Makapangyarihan, Dios ng Israel.
    Tingnan nʼyo na ang nangyayari; tulungan nʼyo ako!
    Kumilos na kayo, at parusahan nʼyo ang mga bansang hindi sumasampalataya sa inyo.
    Huwag nʼyong kahabagan ang mga taksil na iyon.