Salmo 84:9-11

Ang Salita ng Dios (Tagalog Contemporary Bible)

⁹ Pagpalain nʼyo O Dios, ang tagapagtanggol^[a] namin,
    ang hari na inyong pinili.
¹⁰ Ang isang araw sa inyong templo ay higit na mabuti kaysa sa 1,000 araw sa ibang lugar.
    O Dios, mas gusto ko pang tumayo sa inyong templo,^[b]
    O Dios, kaysa sa manirahan sa bahay ng masama.
¹¹ Dahil kayo Panginoong Dios ay parang araw na nagbibigay liwanag sa amin at pananggalang na nag-iingat sa amin.
    Pinagpapala nʼyo rin kami at pinararangalan
    Hindi nʼyo ipinagkakait ang mabubuting bagay sa sinumang matuwid ang pamumuhay.