Santiago 3:3-5

Ang Bagong Tipan: Filipino Standard Version

³ Kapag nilagyan ng renda^[a] ang bibig ng kabayo, ito'y napasusunod natin at napababaling saanman natin ibigin. ⁴ Tingnan ninyo ang mga barko, bagama't malalaki at itinutulak ng malalakas na hangin, ito'y naibabaling sa pamamagitan ng napakaliit na timon saanman ibigin ng piloto. ⁵ Ganyan din ang dila ng tao; napakaliit na bahagi ng katawan ngunit napakalaki ng nagagawang kayabangan. Isipin na lang ninyo na “gaano kalaking mga gubat ang napaglalagablab ng isang maliit na apoy!”