Santiago 5:10-12

Ang Biblia (1978)

^10 (A)Kunan ninyong halimbawa ng pagbabata at ng pagtitiis, mga kapatid, ang mga propeta na nagsipagsalita sa pangalan ng Panginoon.

¹¹ Narito, ^(B)tinatawag nating mapapalad ang nangagtiis: inyong nabalitaan ^(C)ang pagtitiis ni Job, at inyong nakita ^(D)ang pinapangyari ng Panginoon, kung gaano ang lubos na pagkahabag at ang pagkamaawain ng Panginoon.

¹² Nguni't higit sa lahat ng mga bagay, mga kapatid ko, ay ^(E)huwag ninyong ipanumpa, kahit ang langit, ni ang lupa, ni ang anomang ibang sumpa: kundi ang inyong oo, ay maging oo; at ang inyong hindi, ay maging hindi; upang kayo'y huwag mangahulog sa ilalim ng hatol.