Santiago 5:2-4

Magandang Balita Biblia (with Deuterocanon)

² Bulok^(A) na ang inyong mga kayamanan at kinain na ng mapanirang insekto ang inyong mga damit. ³ Kinakalawang^(B) na ang inyong ginto at pilak, at ang kalawang ding iyon ang magiging katibayan laban sa inyo at parang apoy na tutupok sa inyong laman. Iyan ang kayamanang inimpok ninyo para sa mga huling araw. ⁴ Sumisigaw ang mga manggagawa sa inyong mga bukirin dahil hindi ninyo ibinibigay ang kanilang mga sahod. Umabot na sa pandinig ng Panginoong Makapangyarihan sa lahat ang mga hinaing ng mga mang-aani na inyong inapi!