Sefanias 3:2-4

Ang Biblia, 2001

² Siya'y hindi nakinig sa tinig ninuman;
    siya'y hindi tumanggap ng pagtutuwid.
Siya'y hindi nagtiwala sa Panginoon;
    siya'y hindi lumapit sa kanyang Diyos.
³ Ang mga pinunong kasama
    niya ay mga leong umuungal;
ang mga hukom niya ay mga asong ligaw sa gabi;
    sila'y walang inilalabi hanggang sa kinaumagahan.
⁴ Ang kanyang mga propeta ay walang kabuluhan at mga taksil;
nilapastangan ng kanyang mga pari ang bagay na banal,
    sila'y nagsigawa ng karahasan sa kautusan.