Awit ni Solomon 5:6
Magandang Balita Biblia
6 Ngunit nang siya'y pagbuksan ko, hindi ko na inabutan.
Hinanap ko nang hinanap ngunit hindi natagpuan.
Sa laki ng pananabik na tinig niya'y mapakinggan,
tinawag ko nang tinawag ngunit walang kasagutan.
Awit ni Solomon 5:7
Magandang Balita Biblia
7 Ang mahal ko ay hinanap, di tumigil, di naglubay,
hanggang ako ay mahuli, mga tanod nitong bayan.
Hinagupit nila ako, walang awang sinugatan,
balabal ko ay hinatak, pinunit pa at ginutay.
Awit ni Solomon 3:2
Magandang Balita Biblia
2 Akong ito'y bumabangon, sa lunsod ay naglalakad,
ang lansangan sa paligid ay aking ginagalugad;
ngunit hindi matagpuan ang sinta kong nililiyag.
Awit ni Solomon 3:3
Magandang Balita Biblia
3 Sa akin ngang paglalakad, nakita ko'y mga bantay,
nagmamanman, naglilibot, sa paligid, sa lansangan.
Sa kanila ang tanong ko, “Mahal ko ba ay nasaan?”
Magandang Balita Biblia, Copyright © Philippine Bible Society 2012.
