Travay 11:24-26

Nouvo Testaman: Vèsyon Kreyòl Fasil

²⁴ Banabas sa a, se te yon bon moun. Li te gen anpil lafwa epi l te toujou anba pouvwa Sentespri a. Epi anpil lòt moun te vin disip Senyè a.

²⁵ Apre sa, Banabas ale lavil Tas, l al chache Sòl. ²⁶ Lè l jwenn li, li mennen l vin Antyòch. Banabas ak Sòl pase yon ane ansanm nan legliz la. Yo te toujou reyini ak legliz la epi yo te anseye anpil moun. Se nan Antyòch yo te premye rele disip yo kretyen.